Наурызбай ауданына «Мектеп автобусы» жобасы бойынша 16 қосымша автобус бөлінеді

Наурызбай ауданына «Мектеп автобусы» жобасы бойынша 16 қосымша автобус бөлінеді
Сурет Алматы қаласы әкімдігі

Алматының Наурызбай ауданында «Мектеп автобусы» жобасы аясында 27 автобус жүре бастады. Олар күн сайын 2400 оқушыны тасымалдайды. 

«2024 жылдың қаңтар айынан бастап 1000 балаға қосымша 16 автобус бөлінеді. Жалпы 3 400-ге жуық бала қамтылады», - деді Наурызбай ауданының әкімі Нәзира Тоғызбаева ӨКҚ брифингінде.

Сонымен қатар, әкім биылғы 1 маусымда Мемлекет басшысының тапсырмасымен Наурызбай ауданында көпсалалы инновациялық шығармашылықтың орталықтың ашылғанын атады. 

«Басты міндет – балаларымыздың ең жақсысын ұсыну. Жаңа орталық мектептерге жақын маңнан ашылды және жоғары стандарттар бойынша цифрландырудың білім беру технологияларымен жабдықталған. Қазіргі уақытта 2200 бала қамтылған», - деді ол.