Жасөспірімдерге құқықтық тәрбие беру маңызды

Жасөспірімдерге құқықтық тәрбие беру маңызды
Сурет: Наталья Глушаева

Кәмелет жасына толмағандар арасындағы жағдайға және олардың құқықтарын қорғауға қатысты «Жасөспірімдердің құқықтық санасын арттыру, қоғамның негізгі құндылықтары, «заң және тәртіп» қағидатын сақтау» тақырыбында жиналыс өтті.

Жиналысқа Алатау ауданы әкімінің орынбасары, аудан прокуроры, ювеналды полиция бөлімінің бастығы, ата-аналар, оқытушылар, психологтар, ардагер-педагогтар қатысты, деп хабарлайды almaty-akshamy.kz.

– Кәмелет жасқа толмаған балалардың арасындағы мәселелер өршіп тұр. Осыған байланысты қылмыс жасау, буллингпен айналысу және заң бұзушылық факторлары көбейіп кеткен. Осы орайда әкімшілік тарапынан жасөспірімдерге қатысты комиссия жұмыс жасап тұр. Осы жылдың басынан бері 26 жиналыс өткізіп, 100-ден аса баланың құқығын қорғап, арнайы шешімдер шығарды. Комисия мүшелері 30 жуық мектеп жасындағы балалардың мектепке бармағанын анықтап, оқу орындарына орналастырды. Ата-аналарына балаларына дұрыс қарамағаны үшін айыппұл салынды. Аладағы уақытта да жасөспірімдердің құқығын қорғауды жалғастырамыз, – деді Алатау ауданы әкімінің орынбасары Бектас Ерланұлы.

Іс-шара барысында қатысушыларға кәмелетке толмағандар арасындағы құқық бұзушылықтар бойынша статистика, олардың негізгі себептері, қабылданып жатқан шаралар ұсынылды, сондай-ақ оқушылар арасында буллинг фактілерін анықтауға арналған және ауданның барлық мектептерінде пайдалану үшін арнайы QR-кодты енгізу бойынша «Сенім бұрышы» авторлық жобасы ұсынылып, осы жобаны барлық мектептерде енгізу мәселелері ұсынылды.

– Мектеп оқушылыраның арасындағы құқық бұзушылықтың алдын алу мақсатында іс шара өткізіп отырмыз. Біз осы орайда «Сенім бұрышы» жобасын ойлап тапқан болатынбыз. Бұл үлкен авторлық жоба қаламыздың 200 аса мектебі, 50 жуық колледждері қолданылып отыр. Жоба өте тиімді болып табылады, буллинг, құқық бұзушылық пен суицидтің алдын алып үлгеруге мүмкіндік береді. Мектептің барлық жеріне оқушыларға ыңғайлы болу үшін QR-коды қойылды. Оқушылырадың хабарлары біздің мектеп әкімшілігіне бірден келіп түседі, сол арқылы көптеген құқық бұзушылықтың алдын аламыз, – деді №204жылпы білім беретін мектеп директоры Гүлжан Мырзалықызы.