Telegram иесі Дуровтан сотта бірінші рет жауап алынды

Оған мессенджердегі модерацияның болмауы, желіде болып жатқан заңсыз әрекеттерге қатысы бар, құқық қорғау органдарымен ынтымақтастық жасамайды деген айып тағылып отыр, деп жазады Alash.KZ. 

Дуров сотқа өзінің адвокаттарымен бірге барды. Кәсіпкер журналистерге толыққанды пікір бермеді. Тек “Франциядағы сот әділдігіне сенемін”, - деп қысқа қайырды.

Оның қорғаушылары «Telegram арқылы жасалған қылмыстарға Дуровтың қатысы бар» деген айыптауларды негізсіз деп санайды.

Еске салайық, төрт ай бұрын Павел Дуров ұсталып, кейіннен кепіл ақша төлеп, босатылған еді. Ол Франция аумағынан кетпеуі шарт.