Бокстан қазақтан шыққан тұңғыш Әлем чемпионы, Атланта және Сидней олимпиадаларының екі дүркін күміс жүлдегері Болат Жұмаділов танымал журналист Нұрсейіт Жылқышыбайға берген сұхбатында қандай жағдайда жұмыс істеп жүргенін баяндап берді, деп хабарлайды Alash.kz.
Даңқты боксшы қазір Астана қаласының орталығындағы көп қабатты үйлердің бірінің жер төлесінде бокстан шәкірт тәрбиелейді. Нұрсейіт Жылқышыбай сол орынға барып, жаттығу залының мүшкіл халін ашық көрсетті. Журналистің “бұл жерді жалдап отырсыз ба?” деген сұрағына Жұмаділов былай деп жауап берді:
Жоқ, мен осы үйде тұрамын. Кезінде Astana Arlans-та жұмыс істеп жүрген кезде өзімше зал ашпақ болып, осындай жер іздедім. 2 жылдай бұл жер бос тұрды. Сосын мен тұрғындардан рұқсат алдым да, жұмысымды ьасиап кеттім. Бір кездерде шықты “аренда төле” деп. Бұл жердің иесі - осы үйдің тұрғындары, техникалық помещение дейді ғой. Мен осы үйдің 17-қабатында тұрамын. Сол үшін осы жерлен аштым. Жақын жерде. Жаттығу жасауға ыңғайлы. Уақытша тынышталып тұр. Ешкім мазамды алмайды. Бұл жерді жекеменшікке алып алсақ, жақсы болушы еді. Мен сол үшін 100% ремонт жасай алмай жүрмін. Құжат жүзінде менікі емес қой. Тұрғындар жиналып мені қуып жіберемін десе, қуып жібере алады.
Сидней олимпиадасының жемісті жылынан кейін кәсіби спортпен қош айтысқан боксшы тіршіліктің қамымен сан түрлі кәсіпті игергенін де жасырмады.
Сиднейден кейін спортты қойдық. Одан кейін әртүрлі жұмыстар істедім. Кеденмен айналысып көрдім. Арқалыққа жұмыспен барып көрдім.
